中評社北京10月26日電／據大公文匯全媒體報道，因宣誓無效而被DQ嘅離島前區議員王進洋，日前喺社交平台話，好感恩搵到新工作，速度較預期快，將會從事餐飲業，以日薪計算，地點不方便透露，但佢話更表時間都樂觀，收工後可以繼續處理社區事務。查實，王進洋自知喺當選之前，自己只系一介平民，連大學學位都無，話出到嚟呢個社會都唔使旨意有客觀嘅競爭力可言，呢兩年嘅任期系上天賜比佢最好嘅禮物喎。家嚇無咗區議員份糧，梗系要馬死落地行啦。
話說，早前有網友喺fb發帖，大大只字tag王進洋，問佢系咪好等錢使，仲踢爆話︰“周圍問同事借錢，你份人工捐左（咗）未？d（啲）同事又問我，你發生咩事啦，擔心你呀。”短短幾句說話就派到一街花生。唔知王進洋找曬數未呢？
|
